HARTU BI MUXU ETA GERO ARTE! 😘

Konturatzerako bi ikasturte igaro ditugu elkarrekin eta iritsi zaigu gero arte estaeko unea. Txiki zinetela iritsi zineten LH1era eta handi-handi eginda amaitzen duzue LH2. Zenbat jolas, irteera, ikasketa, abesti, dantza, goizpasa eta patio partekatu ditugun elkarrekin! Hasarretu ere egin gara tarteka! 😋 

Bidean aurrera egiteko garaia heldu da. Elkarrekin igarotako uneak bihotzaren zatitxo batean gordeko dituzuelakoan hementxe zuentzat sortu dugun bideoa.

LH2KO IKASLEENTZAT 📹

Abestiak dioen moduan, datorrenerako ilusioz bete eta onena opa dizuegu! 

JATORRAK IZATEAZ GOGORATU ETA BIZITZA GOZATU!

ZUEN IRAKASLEAK

IRURAKOEKIN KIDETZEA ANOETAN

Kaixo lagunak!

Pixkanaka ikasturtea agurtzen ari garen honetan, goizpasa ederra egin dugu LH2 ko Irurako lagunekin. Oraingoan beraiek etorri dira gure herrira eta herriko plazan elkarrekin jolasteko aukera izan dugu. 

Goiz pasa polita igaro dugu elkarrekin! 😀

LH2KO LAGUNAK

IRTEERA HONDARRIBIRA

 Kaixo lagunak!😃

Ikasturte amaiera iritsi dela ospatzeko irteera egin genuen ekainaren 6-7 an. LH1 eta LH2ko lagunak  elkarrekin Hondarribiko herria ezagutzera eta bertan gaua pasatzera joan ginen. 

Oroitzapen ederra gorde dugu egun haietaz eta hementxe dituzue irteerako hainbat argazki 📷. Egonaldiko irudiekin sortu dugun bideoa ikusteko klikatu HEMEN 📹

LH2KO LAGUNAK

GURASOEN LANBIDEAK GERTUTIK EZAGUTZEN

Kaixo lagunak! 😀

Azken asteetan L.H.2ko lagunak Txanelako irakasgaiean "Makina matxuratuta, goazen mekanikariarengana!" unitatea lantzen aritu gara. Gai honetan, inguruan ditugun lanbideak eta lanbide sektoreak ezagutu eta ikasi ditugu. 

Zuen etxeetan nork egiten dute lan? Eh, harrapatu zaitugu! Espero dugu etxean bizi zareten pertsona guztiak modu batera edo bestera etxean lanak partekatuta izatea. 

Oraingoan, etxeko lanez gain lan profesionalak badaudela ikasi dugu. Baina zer da hori? Profesionalak? Ba ea, egindako lanagatik soldata bat jasotzen denean, lanbide edo ogibide esaten diogu. Eta horiexek ezagutzea izan da unitate honen helburu nagusia baita hauek sektoreetan sailkatzea ere. 

Hauek gertutik ezagutzeko gelako gurasoak gonbidatu ditugu beraien lanbideak azaltzera.

Hementxe argazki📷 batzuk:  

Oroitzapen ederra dugu pasiloetan gurasoek gure muralean utzitako mezuekin.

MILA ESKER BIHOTZEZ! BETIRAKO EZAGUTZAK ETA OROITZAPENAK OPARITU DIZKIGUZUE GU ERE ETORKIZUNEKO LANGILE IZAN GAITEZEN!

LH2KO LAGUNAK

KIVA GALDETEGIA

 wellu.utu.fi/school_code/eu-ikastola

IPUINA KATALANEZ 📖

Kaixo lagunak!

Ipuin bat entzutea beti da plan ona ezta? LH2ko lagunei izugarri gustatzen zaizkigu! Ostiralero bat entzuten dugu! 

Baina ikastolan euskaraz bizi garenez, normalean ipuinak ere euskaraz entzuten ditugu. Zenbaitetan Inmaren ahotik ingelesez ere entzuten ditugu eta tarteka gazteleraz ere. 

Oraingo honetan bisita berezi bat jaso dugu, Jaume Bordas etorri da gurera bere hizkuntzan, katalanieraz, guri ipuin bat kontatzera. Modu honetara kulturartekotasun programari jarraituz, beste urte batez  hizkuntza desberdin batean entzun dugu ipuina. 

Moltes gràcies Jaume!!👏

LH2KO LAGUNAK

🎭 UNIBERTSOAREN ANTZERKIA 🎭

 Kaixo lagunak!✋

Azken asteetan buru belarri aritu gara unibertsoaren inguruko sekretu guztiak ezagutzen; unibertsoaren sorrera, zortzi planetak, gure galaxia, sateliteak, izarrak, konstelazioak,...etb. Hau bai gauza erraldoia dena unibertsoa!! 🙈

Ikasitako guztia azaltzeko UNIBERTSOAREN ANTZERKI eder bat sortu dugu LH2ko lagunen artean. Ondoren gure ikastolako txikienak eta gure familiak gonbidatu ditugu ikuskizunera. 

Hementxe argazki batzuk!! 👀

LH2KO LAGUNAK